Tayutay

 Tayutay At Mga Uri 

Ang tayutay ay salita o isang pahayag na ginagamit upang bigyan diin ang isang kaisipan o damdamin. Sinasadya ng pagpapayahag na gumagamit ng talinghaga o di-karaniwang salita o paraan ng pagpapahayag upang bigyan diin ang kanyang saloobin.

1.  PAGTUTULAD (SIMILE)

                Ginagamit sa paghahambing ng tao, bagay at pangyayaring ginagamitan ng mga salita.    

•    HALIMBAWA:

1.  Ang buhay ay parang gulong minsan nasa ibabaw minsan nama’y nasa ibaba.
2. Ang kanyang anyo ay kawangis ng isang anghel.

2. PAGWAWANGIS (METAPORA)

            Naghahambing din tulad ng Pagtutulad subalit ang hambingan ay tiyakan o tuwiran at hindi gumagamit ng mga salitang nabanggit sa pagtutulad o simile.

•     HALIMBAWA:

1. Siya ay isang anghel sa ganda.
2. Ang nangyari sa kanyang asawa ay isang tinik na lalo pang nagpahirap sa kanyang kalooban.

3. PAGBIBIGAY-KATAUHAN (PERSONIFICATION)/(PERSONIPIKASYON)

            Ang Pagbibigay-katauhan ay pagsasalin ng mga katangian ng mga tao sa mga karaniwang bagay.

• HALIMBAWA:

1. Maging ang langit ay lumuha sa naganap na trahedya.
2. Nahiya ang mga bulaklak sa pagdaan ni Mariang Maganda.

4. PAGMAMALABIS ( HYPERBOLE)

            Nagpapahayag ng pinalabis o pinakukulang ang tunay na kalagayan ng tao, bagay o mga pangyayari. Ginagamit upang maipakita ang sukdulan ng isang pangyayari.    

• HALIMBAWA:

1. Bumaha ng dolyar sa pag- uwi ni Andres mula sa Amerika.
2. Abot tainga ang ngiti ni Anna ng makitang muli ang kanyang minamahal.

5. PAGTAWAG (APOSTROPHE)

            Pakikipag-usap sa isang karaniwang bagay na tila ito'y isang kaharap gayong wala naman.

• HALIMBAWA:

1.  O! Tukso, layuan mo ako.
2.  Kamatayan! Ikaw ang kahahantungan ng lahat sa gabing ito, walang sino man ang makaliligtas.

6. SENEKDOKE o PAGPAPALIT-SAKLAW

            Ito ay ang pagbabanggit ng bahagi bilang pagtukoy sa kabuuan.

• Halimbawa:

1. Apat na mata ang patuloy na tumititig sa kanya.

7. PAGPAPALIT-TAWAG (Metonymy)

          

          Ito ang pagpapalit ng katawagan o pangalan sa bagay na tinutukoy.

• Halimbawa:

            1. Ang palasyo ay nag-anunsyo na walang pasok bukas. (palasyo - Presidente ng Pilipinas)

8. PAG-UYAM (Irony)

            Isang pagpapahayag na may layuning mangutya ngunit itinatago sa paraang waring nagbibigay-puri.

• Halimbawa:

1. Siya ay may magandang mukha na kung saan tanging ina niya lang ang humahanga.