Balagtasan

       Balagtasan

Balagtasan ay isang uri ng tulang patnigan na may pagtatalo. Lumaganap ito noong panahon na ang Pilipinas ay nasa ilalim ng Amerikano, batay sa mga lumang tradisyon ng masining na pagtatalo gaya ng Karagatan, Batutian at Duplo. Nagmula sa pangalan ni Francisco Baltazar bilang parangal sa pagdiriwang ng kaniyang kaarawan ang tawag sa Balagtasan.

Pick-up lines ang tawag sa pamamaraang ito ng paghahatid ng damdamin. Noong Panahon ng Amerikano, isang paraang ginagawa ng binata upang ipahayag ang kaniyang pag-ibig sa dalagang nililigawan ay sa pamamagitan ng Balagtasan.

Ito ay ginagamit na paraan ng panunuyo o panliligaw ng kabataan sa kasalukuyan o modernong panahon. Idadaan sa simpleng patanong at ihahambing sa isang bagay ang sinusuyo upang maipahatid ang kaniyang nararamdaman.

Matagal nang ipinagmalaki ng mga Pilipino ang kagalingan ni Balagtas. Kabilang sa mga ito si Jose Rizal na paulit-ulit binanggit si Balagtas sa kanyang Noli at nagsalita pa tungkol sa Florante at Laura sa isang panayam sa Alemanya.

Matagal na ring kinikilala ang Florante at Laura bilang akdang maka-Pilipino at kontra-dayuhan. Kaya nang maghanap ng sandata laban sa bagong mananakop ang mga makata noong simula ng siglo 1900, pinili nila ang porma ng tulang ginamit ni Balagtas---ang Awit.

Sumusunod ang pamantayan ng pormang Awit:

1. May apat na linya;

2. Bawat linya ay may 12 pantig;

3. May bahagyang hinto o sensura pagkatapos ng ika-6 na pantig ng bawat linya;

4. Kailangang magkatugma ang apat na linya;

5. Kailangang hindi katugma ng ika-anim na pantig ang ika-labindalawa at

6. Madalas na magkaroon ng mga tayutay at talinghaga.

Isa sa naging bunga ng pagmamahal sa Awit ang tinatawag na Balagtasan. Hindi si Balagtas ang nagsimula nito kundi ang mga umiidolo sa kaniya---kabilang sina Florentino Collantes at Jose Corazon de Jesus, ang tinaguriang “Hari ng Balagtasan.” Sila ang nagsulat ng “Bulaklak ng Lahing Kalinis-linisan” noong 1924 na naging unang balagtasang itinanghal sa bansa, una sa napakaraming debateng pinanood ng libo-libong Pilipino.

Sa pagpapahayag ng opinyon ay hindi maiiwasan ang pagsalungat o pagsang-ayon. Bawat isa ay may kani-kaniyang opinyong dapat nating igalang o irespeto ito man  ay pabor sa atin o hindi. Kailangan maging magalang at malumanay sa pagbibigay ng ating mga opinyon upang maiwasan ang makapanakit ng damdamin.

Ang pagsang-ayon ay nangangahulugan din ng pagtanggap, pagpayag, pakikiisa o pakikibagay sa isang pahayag o ideya. Samantalang ang pagsalungat ng opinyon ay pahayag na nangangahulugan ng pagtanggi, pagtaliwas, patutol, pagkontra sa isang pahayag o ideya.